Блогер Бекболот Турдушов изделүүдө. Ал досторуна жолугууга кеткен бойдон дайынсыз болууда
1829
Блогер Бекболот Турдушов 25-сентябрдан бери дайынсыз болууда. Ысык-Көл облустук ички иштер башкармалыгынан редакциябызга билдиришкендей, учурда окуучуну издөө иштери жүрүүдө.
Маалым болгондой, Бекболот Турдушов 25-сентябрда болжол менен саат 15:00 чамасында Каракол шаарындагы дос балдарына жолугуп келем деп кеткен бойдон кайтып келген эмес. Мындан улам атасы 26-сентябрда милицияга арыз менен кайрылган.
Аталган билдирүү Каракол ШИИБдин маалыматтардын электрондук журналына катталып, издөө иштер жүргүзүлүп жатканы белгилүү болду.
Бекболот Турдушов 1-классында дюшес ичип отурган видеосу, 2-классында мектеп салып бериңиз деп Садыр Жапаровго кайрылган видеосу менен интернет жылдызына айланган. 2022-жылы "Келечек" аттуу тасмада башкы ролдо ойногон.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/14575
