Кыргызстанда энергетика тармагына 2026-жылга чейин өзгөчө кырдаал режимин киргизилет
Садыр Жапаров "Кыргыз Республикасынын энергетика тармагындагы өзгөчө кырдаал жөнүндө" жарлыкка кол койду. Бул тууралуу президенттик аппараттан кабарлашты.
Буга чейин энергетика министри Таалайбек Ибраев 20-июлда өткөн 2023-жылдын биринчи жарым жылдыгынын жыйынтыгы боюнча министрлер кабинетинин жыйынында энергетика тармагына өзгөчө кырдаал режимин киргизүүнү сунуштаган.
Жарлык Кыргызстанды климаттык көйгөйлөргө, Нарын дарыясынын бассейниндеги суунун аз агымына жана энергияны керектөөнүн тездик менен өсүп жаткан өсүшүнө байланыштуу генерациялоочу кубаттуулуктун жетишсиздигине байланыштуу энергетикалык кризистен чыгаруу боюнча кечиктирилгис чараларды көрүүгө багытталган.
"Жарандык коргонуу жөнүндө" Кыргыз Республикасынын Мыйзамынын 5-беренесине, "Энергиянын кайра жаралуучу булактары жөнүндө" Кыргыз Республикасынын Мыйзамына ылайык, Кыргыз Республикасынын Конституциясынын 66, 71-статьяларын жетекчиликке алуу менен токтом кылынсын:
2023-жылдын 1-августунан тартып Кыргызстандын энергетика тармагында 2026-жылдын 31-декабрына чейин күчүндө турган өзгөчө кырдаал режими киргизилсин.
Министрлер кабинети бир жуманын ичинде:
1) Кыргыз Республикасынын Президентинин 2023-жылдын 26-мартындагы № 263 "Энергиянын кайра жаралуучу булактарын пайдаланууга арналган жерлерди өткөрүп берүү жөнүндө" Жарлыгына ылайык, кийинчерээк Министрлер Кабинетине караштуу Жашыл энергетика фондуна өткөрүп берүү менен, энергетика министрлигине белгиленген тартипте энергиянын кайра жаралуучу булактарын пайдаланууга жарактуу жер участокторун аныктоо жана бөлүп берүү укугун берүү;
2) Энергетика министрине өзгөчө укуктарды тездетилген тартипте берүү:
– Кыргыз Республикасынын Айыл чарба, Жаратылыш ресурстары, экология жана техникалык көзөмөл министринин жер жана суу ресурстары, жер казынасын пайдалануу маселелери боюнча орун басарларынын, Улуттук илимдер академиясынын Суу проблемалары жана гидроэнергетика институтунун, "Кадастр" мамлекеттик мекемесинин, "Кыргызгеология" мамлекеттик ишканасынын, жергиликтүү мамлекеттик администрациясынын жетекчилеринин" ишин жалпы координациялоону жүзөгө ашырсын;
- ушул жарлыктын 2-пунктунун экинчи абзацында көрсөтүлгөн кызмат адамдарын ушул жарлыкты ишке ашырууга байланышкан иш-чаралар талаптагыдай аткарылбаган учурда ээлеген кызматынан бошотуу жөнүндө сунуштарды киргизсин;
3) энергиянын кайра жаралуучу булактарын пайдаланууга жарактуу жер участокторун инвентаризациялоону жүргүзүү жана 2023-жылдын 1-сентябрынан тартып өз максаты боюнча пайдаланылбаган же энергетикалык объектилердин техникалык-экономикалык негиздемесин иштеп чыгуу, долбоорлоо жана куруу иштери башталбаган энергетикалык объектилерди курууга арналган жер участокторун пайдалануу укугун белгиленген тартипте токтотууну демилгелесин;
4) ишканаларга, мамлекеттин катышуусу менен акционердик коомдорго жана энергетика тармагындагы алардын туунду ишканаларына көрсөтүлгөн өзгөчө кырдаал режимин киргизүүгө байланышкан чараларды ишке ашыруунун алкагында бир булактан товарларды, жумуштарды жана кызмат көрсөтүүлөрдү сатып алууга уруксат берилсин;
5) бул жарлыктын талаптагыдай аткарылышы үчүн энергетика министринин жеке жоопкерчилиги белгиленсин.
