Энергетика тармагындагы өзгөчө кырдаал эмнени билдирет? Энергетика министрлигинин жообу
Бүгүн, 21-июлда энергетика министри Таалайбек Ибраев энергетика тармагына 2026-жылга чейин өзгөчө кырдаал режимин киргизүү сунушуна комментарий берди.
Анын айтымында, Кыргызстанда электр энергиясын керектөөнүн көлөмү жыл сайын өсүүдө. Алсак, 2010-жылы керектөө 10 млрд кВт саат болсо, 2017-жылы 17 млрд.Агенттиктин маалыматы боюнча керектөө жыл сайын 10-15%га өсүп жатат. 2023-жылы электр энергиясынын таңкыстыгы 3 млрд кВт саатты түзгөн. Эми бул таңкыстык Өзбекстандын тармактары аркылуу Түркмөнстандан электр энергиясын экспорттоо менен жабылып, Орусиядан Казакстан аркылуу да жеткирилет. Министрдин айтымында, импорт сентябрдан декабрга чейин жүргүзүлөт. Быйыл жеткирүү боюнча келишимдер түзүлдү, бирок бул маселенин убактылуу чечилиши.
Таалайбек Ибраев жаңы күн жана шамал станцияларын куруу, кайра жаралуучу энергия боюнча долбоорлорду иштеп чыгуу керектигин белгиледи. Ал эми негизги көйгөй – станциялар үчүн жер тилкелерин берүүнүн узак жана татаал процедурасы. Министр кошумчалагандай, өзгөчө кырдаал Энергетика министрлигине тездетилген режимде энергетикалык долбоорлорго жер бөлүүгө мүмкүндүк берүүчү жаңы функцияны берет.
"Жыл сайын керектөө өсүп жатат, жаңы кубаттуулуктар жаралбай жатат. Ошондуктан Энергетика министрлиги толук эсептеп чыгып, министрлер кабинетине өзгөчө кырдаал режимин киргизүү боюнча сунуш киргизди. Жер тилкелерин бөлүп берүүгө жардам керек. Бизде инвесторлор бар, булар 11ден ашык компания. Алар менен меморандумга кол койгонбуз, бирок жаңы станцияларды куруу боюнча маселени чечүү үчүн жер тилкелери боюнча көйгөйлөр бар", - деди министр.
Эске салсак, буга чейин Энергетика министрлиги кризистик кырдаалга байланыштуу энергетика тармагына өзгөчө кырдаал киргизүү сунушун киргизген. Акылбек Жапаров министрлер кабинетине бул маселени иштеп чыгууну тапшырды. Өзгөчө абал режими 2023-жылдын 1-августунан 2026-жылдын 31-декабрына чейин киргизилет деп күтүлүүдө.
