Акылбек Жапаров №1 интернат-гимназиядагы окуяны сынга алды
Министрлер кабинетинин төрагасы Акылбек Жапаров №1 интернат-гимназиядагы окуяны сынга алды. Бул туурасында ал өлкөдөгү билим берүү тармагындагы актуалдуу маселелер боюнча жыйында айткан.
Жыйынга Эдил Байсалов, билим берүү жана илим министри Каныбек Иманалиев, борбор калаанын мэри Эмилбек Абдыкадыров жана президенттик администрациянын кызматкерлери катышты.
Анда билим берүү тармагын реформалоонун, анын ичинде мектепке чейинки жана мектептеги билим берүүнүн негизги багыттары талкууланды.
Министрлер кабинетинин башчысы коомдо нааразылык жараткан борбор калаадагы №1 интернат-гимназияда болуп өткөн окуяларды катуу сынга алып, мектеп окуучуларын чыр-чатактарга тартууга жана колдонууга жол берилбестигин белгиледи.
Жыйындын соңунда Акылбек Жапаров бир катар тапшырмаларды берди дешет Министрлер кабинетинен.
Эске салсак, 17-апрелде №1 мектеп-интернатында окуу процесси үзгүлтүккө учураган. Окуучулар сабак учурунда плакаттарды көтөрүп чыгышкан. Кийин мэриядан чыр-чатактын себебин айткан.
