№1 мектеп-интернатындагы окуучулардын митингин уюштуруучулары жоопкерчиликке тартылат
Учурда №1 мектеп-интернатындагы кырдаал боюнча комиссия иштеп жатат, мектеп окуучулары катышкан митингдин уюштуруучулары жоопкерчиликке тартылат. Бул тууралуу Kaktus.media сайтына Бишкек шаарынын вице-мэри Виктория Мозгачева билдирди.
Вице-мэр акциянын уюштуруучуларын окуу процессин үзгүлтүккө учуратып, чыр-чатакка аралаштырганы үчүн айыптады. Анын айтымында, мугалимдерге чара көрүлөт.
"Сабактарды үзгүлтүккө учуратып, чыр-чатакка катышкан кызматкерлер кандай болгон күндө да балдарды колдонбошу керек болчу. Жоопкерчилик жана педагогикалык этика болуш керек. Эми биздин негизги милдетибиз үзгүлтүксүз окуу процессин, балдардын коопсуздугун камсыз кылуу. Ал эми чоңдордун жоопкерчилиги боюнча комиссия иштеп жатат. Эмгек милдеттеринин чегинде жоопкерчилик болот. Эгер административдик мыйзам бузуу болсо, аны укук коргоо органдары чечет. Кээ бир адамдар бар, алардын кызыкчылыгын коргоо максатында балдарга жамынып алган. Алар балдарды митингге алып чыгууга укугу жок болчу. Булар мугалимдер, алар балдарга билим бериши керек, тескерисинче болбой. Аларга чара көрүлөт", - деди Мозгачева.
Эске салсак, 17-апрелде №1 А.Каниметов атындагы мектеп-гимназия-интернатында жаңжалы чыккан. Окуу процесси үзгүлтүккө учурап, окуучулар сабактын ордуна плакаттарды көтөрүп, короого чыгышкан. Мугалимдердин айтымында, алар интернаттын башка мекемеге кошулуп жатканына нааразы. Мэрия жаңжалдын себебин жаңы жетекчиге жумуш ордун бербей койгон мурдагы директордун менен болгон окуя себеп болгонун билдирген.
