Актёр Чыңгыз Мамаев үй камагына чыкты. Видео
Чет элдик жаранды зордуктоого шектелип, 9 айдан ашык убакыт бою тергөө камак жайында отурган актёр Чыңгыз Мамаев үй камагына чыкты. Бул тууралуу актёрдун жактоочусу билдирди.
Бүгүн, 11-январда Бишкек шаардык соту Кыргыз Республикасынын Эмгек сиңирген артисти Чыңгыз Мамаевдин кылмыш ишин карады.
"Тергөө органдары тарабынан бир катар мыйзам бузуу болгону, ошондой эле Чыңгыз Мамаевдин кылмышка тиешеси бар экенин тастыктаганга жетиштүү далилдин жоктугу жана козголгон иш актёрдун укуктарын бузуу жолу менен тергелгени аныкталып, ал сот залынан бошотулду", - деди жактоочу.
Эске сала кетсек, белгилүү актёр Чыңгыз Мамаев чет элдик жаранды зордуктоого шектелип кармалган. Тергөө иштеринин жүрүшүндө Свердлов райондук соту камакка алуу түрүндөгү баш коргоо чарасын тандап, актёр 30-августка чейин камакка алынган. Андан бери соттук отурумдар белгиленип, улам кийинкиге калтырылып келген.
Декабрь айында актёр Садыр Жапаровго кайрылуу жолдоп, иштин адилет тергелишин жеке көзөмөлүнө алуусун, ага чейин үй камагына чыгарууну өтүнгөн.
