Депутаттыкка талапкерлердин сүрөтү көркөмдөлбөгөн Бишкекте тартылса кандай болмок? фото
Жергиликтүү кеңешке ат салышып жаткан партиялардын үгүт иши кызуу жүрүп жатат. Албетте анын масштабын парламенттик шайлоого салыштырып болбойт, бирок маанилүүлүгү жагынан артта калбайт. Анткени Жогорку Кеңештин депутаттары стратегиялык көйгөйлөрдү чечсе, жергиликтүү кеңештерди депутаттары жарандар туш болгон күнүмдүк маселелер менен алек болушат.
Партиялык пиарщиктер шайлоочулардын көңүлүн буруу үчүн түрдүү амалдарды колдонуп жатышат. Бири фотосессия жасатса, башкалары видеороликтерди тартуу менен алек. Бирок, алар бизге сунуштаган кооз, көркөмдөлгөн сүрөттөр реалдуулуктан өтө эле алыс.
Kaktus.media эгер үгүттөөчү постерлер жана баннерлер борбор шаарыбыздын реалдуу фонунда жасалса кандай көрүнмөк эле, деп элестетип көрдү. Биз сүрөттөрдү өзүбүздүн call-борбордон алдык. Анда реалдуу адамдар, реалдуу көйгөйлөргө арызданып, реалдуу фото сүрөттөрдү жөнөтүшөт.
