Баткенде айылдардын аталыштары өзгөртүлдү

Президент Садыр Жапаровдун "Кыргыз Республикасынын Баткен облусунун айрым айыл аймактарын жана айылдарын кайра атоо жөнүндө" мыйзамы бүгүн, 1-январда күчүнө кирди. Ага ылайык, Баткен облусунун 3 айыл аймагы жана 10 айылынын аталышы өзгөртүлдү.

1 из 6

Аталыштары өзгөртүлгөн аймактар:

• Кадамжай районунун Марказ айыл аймагы - Айрыбаз айыл аймагы;
• Кадамжай районунун Марказ айыл аймагынын Марказ айылы - Айрыбаз айыл аймагынын Айрыбаз айылы;
• Кадамжай районунун Үч-Коргон айыл аймагынын Валакиш айылы - Үч-Коргон айыл аймагынын Тегирмеч айылы;
• Кадамжай районунун Халмион айыл аймагы - Исхак-Полотхан айыл аймагы;
• Кадамжай районунун Халмион айыл аймагынын Ноогардан айылы - Исхак-Полотхан айыл аймагынын Ак-Өргө айылы;
• Лейлек районунун Маргун айыл аймагы - Кең-Талаа айыл аймагы;
• Лейлек районунун Маргун айыл аймагынын Даргаз айылы - Кең-Талаа айыл аймагынын Кереге-Таш айылы
• Лейлек районунун Маргун айыл аймагынын Дархум айылы - Кең-Талаа айыл аймагынын Жети-Таш айылы;
• Лейлек районунун Маргун айыл аймагынын Маргун айылы - Кең-Талаа айыл аймагынын Мурас айылы;
• Лейлек районунун Маргун айыл аймагынын Чурбек айылы - Кең-Талаа айыл аймагынын Үч-Булак айылы;
• Лейлек районунун Раззаков шаарынын Мурза-Патча айылы - Раззаков шаарынын Ак-Босого айылы;
• Лейлек районунун Сумбула айыл аймагынын Коммуна айылы - Сумбула айыл аймагынын Сары-Дөбө айылы болуп кайра аталды.

Белгилей кетсек, аталган мыйзам улуттук идеологияны бекемдөөгө жана жарандарды патриоттук духта жана улуттук, тарыхый салттар менен баалуулуктардын негизинде рухий-адептик тарбиялоону андан ары жакшыртууга багытталган.