Бүгүндөн баштап Бишкектин борбордук көчөлөрүнө убактылуу чектөө киргизилет
2858
Элдик курултайды өткөрүүгө байланыштуу Бишкектин борбордук көчөлөрүндө транспорт каттамдарына убактылуу чектөө киргизилет. Милициянын кайгуул кызматынан кабарлашкандай, чектөөлөр 24-27-ноябрь аралыгында болот.
Бул күндөрү курултайга аймактардан келген катышуучуларды ташуу учурунда гана жолдор жабылат.
Чектөө киргизиле турган көчөлөр:
- Жибек Жолу кең көчөсү Фучик көчөсүнөн Лермонтов көчөсүнө чейин;
- Абдрахманов көчөсү Жибек Жолу кең көчөсүнөн Түштүк магистралга чейин;
- Манас /Чыңгыз Айтматов кең көчөсү Жибек Жолу кең көчөсүнөн Түштүк магистралга чейин.
Белгилей кетсек, Элдик курултай 25-26-ноябрь күндөрү Токтогул Сатылганов атындагы улуттук филармонияда өтөт.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/9378
