Юрист эмне үчүн "Азаттыкка" бөгөт коюу туура эмес экенин түшүндүрдү
Маданият министрлиги "Азаттык" жана "Настоящая время" сайттары эки айга убактылуу жабылганын билдирди. Мындай чара көрүүнүн себеби өлкөнүн маалымат мейкиндигинде Кыргыз Республикасынын улуттук кызыкчылыктарына каршы келген ишенимсиз материалдарга (2022-жылдын 14-17-сентябрындагы окуялар тууралуу такталбаган маалымат) жооп кайтарууга байланыштуу экени баса белгиленет. Алдын ала маалыматтар боюнча, Маданият министрлиги өзү жабылсын деген арыздын ээси.
Медиа юрист Акмат Алагушев Kaktus.media сайтына комментарий берип жатып мындай чечим "Такталбаган (жалган) маалыматтан коргоо жөнүндө" мыйзамдын алкагында кабыл алынганын айтты. Контентти алып салуу жана редакциянын ишин токтотуу мыйзамсыз жана негизсиз.
"Бөгөт коюу боюнча арызды мамлекеттин атынан чыккан Маданият министрлигинин өзү берсе болбойт. Юридикалык же жеке жактар бере алышат" – дейт ал.
Өздөрү арыз жазып, өздөрү карап чыкканы күлкүлүү нерсе.
Алагушев мыйзамдын максаты адамдын – жеке же юридикалык жактын ар-намысын жана кадыр-баркын коргоо экенин эске салды. Ошол жеке же юридикалык жак бул маалымат жалган деп маалымат тараткан учурда гана мыйзам колдонулушу мүмкүн.
"Бул конкреттүү учурда алар нормаларды кандай колдонот, түшүнүксүз. "Настоящая времянын" материалына каршы жалган маалымат тарады деп ырастаган арыз жана арыз ээси жок экенин көрүп жатабыз", - деп жыйынтыктады Акмат Алагушев.
Адвокат бул чечимди сотто талашуу керектигин кошумчалады.
