Чек ара тилкелеринде түн тынч өттү
2383
Бүгүн, 21-сентябрь саат 09:00гө карата Ош облусунун Чоң-Алай районундагы жана Баткен облусундагы кыргыз-тажик мамлекеттик чек ара тилкесинде абал чыңалуу элементтери сакталуу менен салыштырмалуу туруктуу деп мүнөздөлөт. Бул туурасында УКМКнын Чек ара кызматы кабарлайт.
20-сентябрдан 21-сентябрга караган түн тынч өттү, терс окуялар катталган жок.
Эскерте кетсек, 20-сентябрдан тарта кыргыз-тажик тилкесинде чек ара аймактарында жарылбай калган ок-дарыларды, миналарды, снарядтарды жана башка жардыргыч заттарды табуу, тазалоо жана зыянсыздандыруу иштери жүргүзүлүүдө.
Чек аранын кыргыз-тажик тилкесинде жайгашкан УКМКнын Чек ара кызматынын тарамдары күчөтүлгөн режимде кызмат өтөөнү улантууда.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/8530
