Ысык-Көлдө жол кырсыктан беш адам каза болду
Ысык-Көлдө жол кырсыгынан беш адам каза болуп, төрт адам жабыркаган.
ӨКМдин басма сөз кызматынын маалыматына ылайык, 11-сентябрда Балыкчы - Ананьево - Каракол унаа жолунун 196-чакырымында "Фольксваген Пассат", "Хонда Аккорд" жана "Субару" үлгүсүндөгү унаалар кагышкан.
Кырсыктын кесепетинен 1980-жылы туулган К.Б., 1994-жылы туулган М.А., 1992-жылы туулган Д.Ч., 2008-жылы туулган Д.С., 2021-жылы туулган К.Н. каза болгон.
Мындан тышкары 1986-жылы туулган О.Р., 1992-жылы туулган К.Б.уулу, 1983-жылы туулган К.Т., 2017-жылы туулган К.А. жабыркаган.
Окуя болгон жерге ӨКМдин Каракол шаардык бөлүмүнүн куткаруучулары барып, каза болгондордун сөөгүн унаалардан алып чыгышкан.
Жабыркагандар Түп аймактык ооруканасына жаткырылды.
Башкы беттеги сүрөт иллюстративдик.
