Азимбек Бекназаров элчилик кызматтан алынышына эмне себеп болгонун айтты
Азимбек Бекназаровдун кызматтан кетишине Кумтөрдүн айланасындагы кырдаал себеп болгон. Бул тууралуу Бекназаров бүгүн, 8-сентябрда маалымат жыйында өзү билдирди.
Айтымында, Кумтөр маселеси олуттуу саясий иш болуп саналат жана ал бир кезде Акаевдин, Насирдиновдун жана башка көптөгөн жогорку кызматтагы адамдардын карьерасына таасирин тийгизген.
"Мен бир жолу бийликти келишимди бузганы менен куттуктагам. Бул чоң саясий эрк болду. Бирок андан кийин эмне болду? Эмне үчүн Акаев кечирилди? Эмне үчүн баары башкача болуп кетти?" - дейт. Ал бул маселе боюнча позициясын "Азия Ньюс" телеканалына берген маегинде билдирген. Бул анын дипломатиялык карьерасына чекит койгонун айтат.
Азимбек Бекназаров жалпысынан бийлик туура багытта иштеп жатканын, бирок президенттин айланасындагылар маселе жаратышы мүмкүн деп эсептейт.
Ал белгилегендей, Кумтөр боюнча келишимди бузуу, курултай түзүү жана башка көптөгөн эрктүү чечимдер Садыр Жапаров тарабынан кабыл алынган. Бирок анын командасында жеке максаттарын көздөп, байыганга аракет кылгандар бар. Азыр Жапаровдун жанында мурда жандап жүргөн адамдар жок дейт Бекназаров.
Белгилей кетсек, Бекназаров 2020-жылы Кыргызстандын Малайзиядагы элчиси болуп дайындалып, ушул жылдын август айында кызматтан алынган.
