Психикалык жактан жабыркайт. "Жунхай" базарына барган казак жараны дайынсыз болууда
Бишкекте 17 жаштагы Ильяс Абдуллаев аттуу казак жараны 2 күндөн бери дайынсыз болууда. Ал "Жунхай" базарында жүргөндө белгисиз тарапка кеткен боюнча табылбай жатканын Свердлов РИИБден маалымдашты.
Белгилүү болгондой, 28-августта М.З. аттуу шаар тургуну милицияга кайрылган. Ал 17 жаштагы жээни Ильяс Абдуллаев ошол күнү саат 12:00-13:00 аралыгында "Жунхай" базарында жүргөндө белгисиз тарапка кеткен бойдон дайынсыз болуп жатканын айткан.
Учурда өспүрүм табылбай жаткандыктан жакындары жана милиция коомчулуктан жардам сурайт.
Изделип жаткан өспүрүмдүн белгилери: Бою 160 сантиметр, арык, чачтары кара, кыска, оозунун сол тарабында калы бар. Өзгөчө белгилери - психикалык жактан жабыркайт, адамдар менен сүйлөшүүдө өзүн агрессивдүү алып жүрөт.
Ошол күнү кийип жүргөн кийимдери - спорттук шым, кара түстөгү футболка, башында ак түстөгү баш кийим.
Эгерде изделип жаткан жаранды көргөн, билгендер болсо төмөнкү номерлерге кабар берип коюуну милиция кызматкерлери өтүнөт. Байланыш номерлери: 0 557 11-94-10, 0 701 28-28-09, 0 702 49-8888 жана 102.
