Бишкекте милициянын подполковниги кармалды
3214
Бишкекте Ленин РИИБдин 1-шаардык милиция бөлүмүнүн башчысы пара алууга шектелип кармалды. УКМКдан милициянын подполковниги коррупциялык схемаларды уюштуруп, кызмат абалынан кыянаттык менен пайдаланган дешет.
"343-берененин 1-бөлүмү (Опузалап пара талап кылуу) боюнча ачылган кылмыш ишинин алкагында Ленин РИИБдин 1-шаардык милиция бөлүмүнүн башчысы, милициянын подполковниги Ч.А. пара алып жаткан жеринен кармалды. Жарандардан түшкөн арыздарды кароодо ал коррупциялык схемаларды уюштуруп, кызматтык абалынан кыянаттык менен пайдаланганы такталган", - дешет комитеттен.
Подполковник УКМКнын тергөө камак жайына киргизилди. Учурда бул кылмыш иши боюнча тиешелүү атайын тергөө амалдары жүргүзүлүүдө.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/8091
