Океандын ары жагында жашап, хит ырларды жараткан Эрлан Андашев Кыргызстанга келди. Видео
Үй-бүлөсү менен 10 жылдан бери АКШда жашап, уккулуктуу ырларды жараткан ырчы Эрлан Андашев Кыргызстанга келди. Аны аэропорттон жакындары, санаалаштары салтанаттуу тосуп алышты.
"Буюрса, мекенибизге аман-эсен келип алдык, кубанычыбызда чек жок. Бардык туугандарга, досторума ысык тосуп алгандары үчүн чоң рахмат. Музыкант ини, байкелериме өзгөчө ыраазычылык", - дейт ал.
Эрлан Андашев сентябрь айында Бишкектеги спорт ордосунда биринчи чыгармачылык концертин өткөрөт.
Ырчы АКШда үй-бүлөсү менен жашап, иштеп келет. Океандын ары жагында экенине карабай чыгармачылыгын ийгиликтүү улантып, ырларды жазып жүрөт. Анын ырларынын дээрлик баары хитке айланып, ар кандай сыйлыктарга татыган. 2021-жылы Эрлан Андашев "Маданияттын мыкты кызматкери" төш белгиси менен сыйланган.
