Сот жүрүп жатканда Ирина Карамушкина дагы башкалар залдан чыгарылды (видео)
Бүгүн, 8-августта Бишкектин Биринчи Май райондук соту Кой-Таш окуясы, жер тилкелерин мыйзамсыз берүү, кылмыштуу кирешелерди легалдаштыруу жана Бишкек ТЭЦин модернизациялоо боюнча иштерди кароону улантууда. Экс-президент Алмазбек Атамбаев бардык иштер боюнча айыпталууда.
Сот залында айыпталуучу Ирина Карамушкина октябрь окуясынын аркасы менен азыркы президент Садыр Жапаров президент болуп келгенин, ал акыйкат чечим чыгарышы керектигин билдирди.
Соттук отурумга төрагалык кылган судья Азирет Медеров сот аткаруучулардан Карамушкинаны сот залынан чыгарууну талап кылган.
Андан тышкары ага чейин Атамбаевдин тарапташтарынын бири "соттун ушундай кароосу менен сот иши дагы үч жылга, балким андан да көп жылга созулушу мүмкүн" деп кыйкырган.
"Мен дагы башка адамдардай эле Кой-Таш окуясынын курмандыгы болгом жана жабырлануучумун. Бирок эмнегедир бизди жабырлануучу катары тааныбай жатышат. Мен бир нече жолу операция болуп, араң басып калдым, бирок акыйкаттык жок", - деди ал. – деп кыйкырды киши.
Судья Азирет Медеров сот аткаруучулардан аны сот залынан алып чыгууну талап кылып, залдан чыгарышкан.
