Абитуриенттерди жогорку окуу жайга кабыл алуунун графиги
18-июлдан баштап жогорку окуу жайларга абитуриенттерди кабыл алуу башталат. Билим берүү жана илим министрлиги абитуриенттерди тандоо жана кабыл алуу графигин бекитти.
Ага ылайык:
- I тур - 18-июль саат 8:00дөн 20-июль саат 14:00гө чейин;
- II тур - 25-июль саат 8:00дөн 27-июль саат 14:00гө чейин;
- III тур - 1-август саат 8:00дөн 8-август 14:00гө чейин;
- IV туру - 8-август саат 8:00дөн 10-август күнү 14:00гө чейин;
- V туру – 15-август саат 8:00дөн 20-август күнү 14:00гө чейин.
Катталгандан кийин окууга сунушталган абитуриенттердин тизмелери илинет, андан кийин абитуриенттер окуу жайда билим ала турганын ырасташы керек. Эгерде бош орундар калган болсо 22-23-24-августта, окууга сунушталган абитуриенттердин кошумча тизмелери илинет.
ЖОЖго тапшыруу жана сынакка катышуу үчүн абитуриент "Абитуриент Онлайн" автоматташтырылган маалыматтык тутумунун https://2020.edu.gov.kg/vuz сайтына катталуусу керек.
