Үч баласы тең башкадан болгонун билип калып аялы менен ажырашкан
Кытайдын тургуну 16 жыл чогуу жашаган аялы менен ажырашууну чечкен. Анткени анын балдары башка бирөлөрдөн экенин билип калган. Бул тууралуу South China Morning Post басылмасы жазып чыкты.
Жубайы Юйду жана үч кызын багуу үчүн 45 жаштагы Чен үйдөн алыс иштеп, үй-бүлөсүн сейрек көрчү. Башында ал аялынан шектенген эмес, анткени алар үн жана видео чалуулар аркылуу гана сүйлөшүп турушчу. Жылдын башында, аялы анын чалууларынан качып, үйдөн иштегиси келбей турганын айткан. Бул анын оюн өзгөртүп, Юйду телефонунан геолокация маалыматы менен текшерүүнү чечкен.
Чен аялынын, өлкөнүн чыгышындагы мейманканада экенин билип, ал жакка барып, аны ойношу менен чогуу көргөн. Башында ал чыккынчылыкты кечирүүгө даяр болгон, бирок аталык текшерүүдөн өтүүнү чечкен. ДНК анализинин жыйынтыгы жубайлардын кичүү кызынын атасы башка адам экенин көрсөткөн. Ага карабай, Чен ажырашпай, үй-бүлөсүн сактап калууну чечкен.
Чен дагы эки кызына аталыкты аныктоо боюнча тест тапшырганда оюн өзгөрткөн. Көрсө, алардын атасы дагы башка адам экен. Бул таң калтырган ачылыштан кийин аялы Юй качып кеткен. Журналисттер аялды таап, интервью алганга жетишкенде, ал өзүнүн жүрүм-турумун ишенимсиздик деп эсептебей турганын билдирген.
"Мен аны алдадым деп ойлобойм. Биологиялык ата-эне болуу ушунчалык эле маанилүүбү? Балалуу боло албаган жубайлар аларды асырап алышат, бул жакшы", - деген Юй жана Ченди ажырашуу чечими үчүн сынга алган.
Соцтармактын колдонуучулары комментарийлерде аялдын жүрүм-турумун жана күйөөсүн сыйлабаганын сынга алышкан.
"Бул күйөө кандай капа болду! Бул Юй психикалык жактан оорулуубу?" - деп сурады алардын бири. "Чен сотко кайрылса, компенсация ала алат. Бирок 16 жылдан кийин жараланган жүрөктү кантип айыктырат? - деп жазды дагы бир колдонуучу.
Булак: Daily24.kg
