Кыргызстан менен Казакстандын ишкерлери $1,5 миллионго келишим түзүштү
Кечээки Кыргыз-казак ишкерлер кеңешинин жыйынында $1,5 миллионго келишимдер түзүлдү. Бул тууралуу Соода-өндүрүш палатасынын басма сөз кызматы билдирди.
Жыйынга ири компаниялардын өкүлдөрү андан тышкары кыргыз тараптан Ишкер кеңешинин төрагасы, Соода-өндүрүш палатасынын президенти Марат Шаршекеев менен казак тараптан теңтөрага Тышкы соода палатасынын төрагасы Аян Еренов катышты.
Иш чара учурунда туризм жана жеңил өндүрүш тармагындагы инвестициялык долбоорлор, кыргыз-казак чек арасындагы индустриалдык соода-логистикалык комплекстин курулушу, алгачкы СЭСти круу жана эксплуатацияга киргизүү долбоорлору жана бизнес жүргүзүүнүн жаңы форматтары талкууланды.
Катышуучулар белгилегендей, учурдагы эки өлкөнүн ортосундагы $1 млрддык товар айландырууну эки эсеге көбөйтүу зарыл. Жеңил өндүрүш жана туризм тармагы приоритеттүү деп табылды.
Жыйындын соңунда төмөнкү келишимдерге кол коюлду:
- Kelum-KazPharm Жоопкерчилиги чектелген өнөктөштүк ЖЧӨ (РК) жана BMG Pharm ЖЧК ( $350 миңге медицина продукциясы менен камсыздоо);
- "Салем Кус" (РК) ЖЧӨ жана "Кыргызский соколиный центр Мураз" ЖЧК ($460 миңге куштар менен камсыздоо);
- "Элтекс Алатау" ЖЧӨ (РК) жана "ЛОКТЕХНО" ЖЧК системалык кызматташуу боюнча меморандум ($300 миңге жабыдктарды камсыздоо);
- Free Mark ЖЧӨ (РК) жана "АгроЛогистикГрупп" ЖЧК (жумуртка кесме өндүрүшү - $400 миңге макарон азыктары);
- Alpine Club ЖЧӨ (РК) жана Кыргыз туроператорлор асоциациясы (туризм тармагындагы ич ара түшүнүшүү меморандуму).
