Өспүрүм бала апасына болушуп эркек кишиге бычак сайган
Апасына болушам деп жаранды бычактаган өспүрүмдүн энеси балдарын бакканга мүмкүнчүлүгү жок калды. Бул тууралуу укук коргоочу Назгүл Турдубекова социалдык тармактагы баракчасына жазды.
Айтымында, кылмыш-процессуалдык кодекске ылайык, судья өспүрүмдү сот залында бошотуп, жүрүм-турумун оңдоого мүмкүнчүлүк берүүгө милдеттүү болчу.
"Мейманкана кошуна жайгашкан. Бирок кол салган адам адашып, ижарага алган батирде жалгыз бой эне кичинекей балдары менен жашап жаткан турак жайга кирип кеткен. Үйдөн өз буюмдарын издеп, аялдын бетине муштум менен чаап жиберген, балдары коркуп ыйлаган. Үй-бүлөнү 16 жаштагы өспүрүм коргоого аргасыз болгон, анткени атасы каза болуп калган. Бишкектин Ленин райондук сотунун судьясы Самат Кайыпов тергөө учурунда ага карата камакка алуу түрүндөгү баш коргоо чарасын белгиледи.
Муну ал жабырлануучунун ооруканада каза болушу мүмкүн экендиги менен түшүндүрдү. Бирок анын абалы азыр канааттандырарлык. Өспүрүмдүн апасынын балдарын бакканга акчасы жок калыптыр. Кылмыш-процессуалдык кодекске ылайык, судья өспүрүмдү сот залында бошотуп, оңолууга мүмкүнчүлүк берүүгө милдеттүү болчу", - деп жазган Турдубекова.
Белгилей кетсек, Бишкекте өспүрүм бала ден соолукка залал келтиргенге шектелип кармалып, соттун чечими менен Чүй облусундагы №14 балдар колониясына бир айга камакка алынган.
Маалымат super.kg сайтынан алынды.
