"Акрамов татыктуу эмес болчу". Бейшеналиев Чүй облустук ооруканасынын аталышына каршы
Саламаттыкты сактоо министри Алымкадыр Бейшеналиев Чүй облустук бириккен ооруканасынын аталышы мурункудай Эрнст Акрамов атында калышына каршы чыкты. Бул тууралуу ал өзү Kaktus.media сайтына билдирди.
Эске салсак, кечээ, 24-майда министрлер кабинети Чүй облустук бириккен ооруканасына Эрнст Акрамовдун атын ыйгарууну бекиткен.
Бирок Саламаттыкты сактоо министринин айтымында, Эрнст Хашимович анын ысымын алган ооруканага татыктуу эмес болчу.
"Кыргызстандын бардык дарыгерлери ооруканаларга анын ысымын ыйгаруу талабын коюшат. Бирок, Акрамов буга татыктуу эмес болчу. Ал дүйнөгө белгилүү Мамакеев же Миррахимов сыяктуу татаал операцияларды жасан дарыгер болушу керек эле", - деди Бейшеналиев.
Кантсе да, ал министрлер кабинетинин чечимине каршы чыгууга ниети жок экенин билдирди.
