"Өлбөс полктун" жүрүшү учурунда Бишкекте айрым көчөлөр жабылат. Тизме
1465
9-майда өтүүчү "Өлбөс полктун" жүрүш маалында айрым көчөлөрдүн бөлүктөрү жабылат. Бул тууралуу милициянын кайгуул кызматынын маалымат кызматынан билдиришти.
Маалыматка ылайык, иш-чара саат 9:00дө башталып, болжол менен саат 13:00гө чейин созулат. Андыктан төмөнкү көчөлөрдүн бөлүктөрү убактылуу жабылат.
- А.Токомбаев көчөсүнүн Байтик Баатыр көчөсү менен кесилишкен бөлүгү;
- Байтик Баатыр көчөсү түндүктү көздөй Жумабек көчөсүнө чейинки бөлүгү;
- Жумабек көчөсүнүн Ибраимов көчөсүнө чейинки бөлүгү:
- Ибраимов көчөсүнүн Чүй кең көчөсүнө чейинки бөлүгү.
"Урматтуу шаар тургундары жана коноктору иш-чара учурунда жогорудагы көрсөтүлгөн жолдорду эске алуу менен баарыңыздарды маршруттук каттамыңыздарды алдын ала пландап алууңуздарды суранабыз. Иш-чаранын жүрүшүндө милициянын кайгуул кызматкерлери коомдук коопсуздукту жана жол кыймылынын коопсуздугун толук кандуу камсыз кылат", - деп жазылат маалыматта.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/6591
