Баткенди өнүктүрүү. Бийлик 500 миллион сомду кантип бөлүштүрүүнү чечти
Баткен облусунда президенттин Баткен облусундагы ыйгарым укуктуу өкүлү Абдикарим Алимбаевдин төрагалыгы алдында Баткен облусун өнүктүрүү кеңешинин көчмө жыйыны өттү.
Жыйынга Жогорку Кеңештин депутаты Чыңгыз Ажыбаев, резиденттик аппараттын өкүлү, мамлекеттик органдардын жетекчилери, мамлекеттик банктардын өкүлдөрү, Баткен районунун жергиликтүү мамлекеттик администрацияларынын башчылары – акимдер, Баткен районундагы шаарлардын мэрлери, айыл өкмөттөрүнүн өкүлдөрү, Баткен облусунун жергиликтүү кеңештери, жарандык коомдун өкүлдөрү, көз карандысыз эксперттер.
Жыйында 2022-жылга республикалык бюджеттен Баткен облусун өнүктүрүүгө бөлүнгөн 500 миллион сомду бөлүштүрүү планынын долбоору талкууланды.
Жыйынтыгында 2021-жылдын 28-30-апрелинде мамлекеттик чек аранын кыргыз-тажик тилкесинде болгон окуялардын натыйжасында жабыркаган райондордун абалын эске алуу менен Баткен, Кызыл-Кыя жана Сүлүктү шаарларын социалдык-экономикалык өнүктүрүүгө багытталган долбоорлорду каржылык колдоо боюнча чечим кабыл алынды.
