АКШнин сенаты Путинди аскер кылмышкери деп атады. Украинадагы кырдаал

Би-би-синин орус кызматы, Meduza жана башка басылмалар 15-16-мартка карата Украинадагы кырдаал жана анын фонунда дүйнөдө эмне болуп жатканын айтып беришти.

• АКШнин сенаты бир добуш менен Россиянын президенти Владимир Путинди аскер кылмышкери деп тааныган резолюцияны кабыл алды.
• Байден дагы миллиард доллар өлчөмүндө Украинага жардам көрсөтүлө турганын жар салат.
• Украинанын генштабы берген маалыматка ылайык, Россия кол салган аскеринин 40%ын жоготту.
• БУУ: согуш башталгандан бери 691 жөнөкөй жаран каза болду, 1143 киши жарадар болду. Бул тастыкталган учурлар гана. БУУнун пикири боюнча реалдуу цифралар алда кайда жогору.
• Тигран Худавердян Евробиримдик жарыялаган санкциялардан кийин "Яндекс" компаниясынын жетекчилигинен кетти.
• Фармгигант Eli Lilly Россияга дары-дармек жеткирүүдө чектөөлөр киргизилгенин жарыялады.
• Киевге Польша, Чехия жана Словениянын премьерлери келди. Алар Зеленский менен жолугушкан.
• Евробиримдик Россияга каршы санкциялардын төртүнчү бөлүгүн баштады. РФке кымбат баалуу буюмдарды, кийим-кечекти, спирт ичимдиктерин, автомобилдерди экспорттоого тыюу салынды. Роман Абрамович, Константин Эрнст, Сулейман Керимовдор дагы санкцияга кабылышты.
• АКШ Украинага жардам катары 13,6 миллиард доллар бөлүп берет.
• Италиянын Пиза шаарындагы аэропорттун кызматкерлери гуманитардык жардам катары Украинага жөнөтүлүп жаткан курал жарак жана боеприпастарды учактарга жүктөөдөн баш тартышкан.