Унаанын жанынан адамдын сөөгү табылган. Аны бычактап кеткен шектүү кармалды

Чүй облусунда оор кылмышка шектүү жаран кызуу издөөдө кармалды. Бул тууралуу облустук ички иштер башкармалыгынын басма сөз кызматы билдирди.

Тема боюнча:

Борбордо BMW X6 үлгүсүндөгү унаадан эркек кишинин жансыз денеси табылды. Видео

Белгиленгендей, 8-февралда Сокулук райондук милициясына айылдардын биринен ээси жок унаа табылганы тууралуу маалымат түшкөн. Окуя болгон жерге барган ыкчам кызматкерлер Toyota Land Cruiser үлгүсүндөгү унаадан 100 метр алыстыкта ​​зордук-зомбулук менен каза болгон адамдын жансыз денесин табышкан (алдын ала маалыматтар боюнча, бычактан көптөгөн жаракаттар бар).

Көз жумган адамдын адамдын өздүгү такталып, ал Бишкек шаарынын тургуну 56 жаштагы О.Т. атту адам болуп чыккан. Ал борбор калаанын Свердлов районунда 7-февралдан бери дайынсыз жоголгондордун тизмесинде турган.

Тема боюнча:

Бишкекте энеси менен кызы өзгөчө мыкаачылык менен өлтүрүлгөн

Кылмышка шектелип, Чүй облусунун тургуну 33 жаштагы Т.А. кармалып, ИВСке жайгаштырылды.

Өлтүрүүгө шектүү адам

Алдын ала маалыматтарга караганда, алардын ортосунда чыр чыгып, Т.А. О.Т. атту адамды бычактап салган.

Кошумчалай кетсек, кылмышка шектүү жабырлануучуну ферма кызматкерине 30 баш бодо малын берүүгө мажбурлаган деген маалымат бар. Андан соң өлтүрүлгөн адамдын сарайына келип, 30 буканы жүктөп чыгып кеткен.

Учурда тергөө иштери уланууда.