Январь айынан тарта социалдык жөлөкпулдар көтөрүлдү. Кимге жана канчага?
Кыргызстанда 2022-жылдын 1-январынан тарта бир катар ай сайын берилүүчү социалдык жөлөкпулдар көбөйтүлдү. Бул тууралуу КР Эмгек, социалдык коргоо жана миграция министрлигинин басма сөз кызматы билдирди.
Биринчи этапта өткөн жылдын октябрь айынан баштап жөлөкпулдар көбөйтүлдү:
- 18 жашка чейинки ден соолугунун мүмкүнчүлүгү чектелген балдарга - 4000 сомдон 6000 сомго чейин;
- ВИЧ/СПИД менен жашаган энелерден төрөлгөн балдарга - 4000 сомдон 6000 сомго чейин;
- бала кезинен I топтогу майыптарга - 4000 сомдон 6000 сомго чейин;
- бала кезинен II топтогу майыптарга - 3300 сомдон 4950 сомго чейин;
- бала кезинен III топтогу майыптарга - 2700 сомдон 4050 сомго чейин;
- ата-энесинен ажыраган балдарга - 1000 сомдон 1500 сомго чейин;
- ата-энесинен ажырап калган балдарга - 2000 сомдон 3000 сомго чейин;
- ата-энеси экөө тең белгисиз балдарга - 2000 сомдон 3000 сомго чейин.
2022-жылдын 1-январынан тарта ата-энесинен ажыраган балдарга жана ата-энеси экөө тең белгисиз балдарга жөлөкпул 6 миң сомго чейин көтөрүлдү.
Ошондой эле социалдык төлөмдөр көбөйдү:
- ден соолугунун мүмкүнчүлүктөрү чектелүү балдарга - 6000 сомдон 8000 сомго чейин;
- ВИЧ же СПИД менен жашаган энелерден төрөлгөн балдарга - 6000 сомдон 8000 сомго чейин;
- бала кезинен I топтогу майыптарга - 6000 сомдон 8000 сомго чейин;
- бала кезинен II топтогу майыптарга - 4950 сомдон 6600 сомго чейин;
- бала кезинен III топтогу майыптарга - 4050 сомдон 5400 сомго чейин;
- ата-энесинен ажыраган балдарга - 1500 сомдон 2000 сомго чейин.
Учурда Кыргызстанда 1 миң 193 жетим бала жашайт. 34 миң 181 ден соолугунун мүмкүнчүлүгү чектелген бала жана 35 миң 670 балалык мүмкүнчүлүгү чектелген чоңдор жөлөк пул алышат. Ал эми 18 192 бала баккандыгы боюнча жөлөк пул алышат.
Маалым болгондой, мамлекеттик жөлөкпулдардын өлчөмүн жогорулатуу Садыр Жапаровдун 2021-жылдын 1-сентябрындагы жарлыгын ишке ашыруунун алкагында жүргүзүлүүдө.
