Беткапчан үч барымтачы курал менен май куюучу жайды тоноп кетишти (видео)
Ысык-Көл облусунун Жети-Өгүз районундагы Саруу айылындагы май куюучу жайды белгисиз үч адам тоноп кетишкен. Kaktus.media сайты маалыматты облустук ички иштер башкармалыгынан тастыктады.
Маалыматтарга караганда, басып алгандар беткап кийип курал-жарактар менен жүргөн. Учурда эки шектүү кармалып, дагы бирөө изделүүдө.
Милициянын маалыматына ылайык, 14-декабрь күнү саат 03:30 чамасында белгисиз үч адам май куюучу жайдын операторунун терезесинен ок атуучу курал такап, акча талап кылышкан. Оператор кассада болгону 1000 сом бар экенин айтып, барымтачыларга берген. Акчаны алып жаткандар көздөн кайым болушкан.
Кийинчерээк милиция кызматкерлери тарабынан кылмышка шектелип Дархан айылынын тургундары 28 жаштагы Ш.Ж. жана 16 жаштагы Б.Б. кармалган. Үчүнчүсү, 26 жаштагы А.А., издөөгө алынган.
