Жаңы жылда салют атууну пландап жатасызбы? ӨКМ кантип туура колдонуу керектигин эскертти

Быйыл Бишкек шаарынын мэриясы экологиялык себептерден улам борбордун башкы аянтындагы майрамдык салюттан баш тартуу чечимин кабыл алган. Бирок, кыргызстандыктардын баары эле бирдей көз карашты кармана бербейт, пиротехникалык буюмдарды сатуу адаттагыдай эле декабрда өсөт. Эгерде сиз да Жаңы жыл түнүндө майрамдык салют атууну чечсеңиз, анда ӨКМ тарабынан даярдалган эскерүү материалы сиз үчүн.

Салюттарды тандоо эрежелери:

• продукциянын заводдо жасалганын текшериңиз;
• сатылып алынган буюмдун сертификаты сиз түшүнгөн тилде болсо гана сатып алыңыз;
• пиротехникалык каражаттардын жарактуулук мөөнөтүнө көңүл буруу;
• мүмкүн болсо, майрамдык салют уюштуруу үчүн адистер менен байланышкыла.

Эгер сиз дагы эле өз алдынча иш-аракет кылууну чечсеңиз, анда төмөнкү эрежелерди унутпаңыз:

• фейерверк үчүн туура жерди тандоо - бул чоң ачык аянт, короо, аянт же шалбаа, бак-дарактар ​​жана имараттар жок болушу керек;
• тандалган жерди кылдаттык менен текшериңиз - 100 метр радиуста өрт коркунучу бар объектилер, унаа токтотуучу жайлар, гараждар болбошу керек;
• көрүүчүлөр старт аянтчасынан 35-50 метр аралыкта, дайыма шамал тарапта болушу керек;
• турак жайлардын жанында колдонууга катуу тыюу салынат - алар терезеден, балконго же чатырга учуп кирип өрт чыгышына алып келиши мүмкүн;
• Пиротехникалык каражаттарды жабык бөлмөлөрдө, батирлерде, кеңселерде, адамдар көп болгон жерлерде колдонууга болбойт.

Катуу тыюу салынат:

• пиротехникалык буюмдун үстүнөн фитилик күйүп жаткан учурда эңкейүү;
• аларды жылытуучу техникалардын, ачык оттун жанында сактоого;
• салюттарды демонтаждоо, өрттөө;
• адамдарга же жаныбарларга карап, түздөн-түз салют атуу;
• балдаргдын чоңдордун катышуусуз жардыргычтарды колдонуусуна;
• мас абалында пиротехникалык буюмдарды колдонууга, алардын жанында тамеки тартууга.