Марипов бажыдагы кадрдык өзгөрүүлөр маанисиз деп эсептейт
Министрлер Кабинетинин Төрагасы Улукбек Марипов бүт бажы системасын автоматташтырбастан бажы кызматындагы кадрларды алмаштырууну натыйжасыз деп эсептейт. Бул тууралуу ал министрлер кабинетинин жыйынында билдирди.
"Канчалык кадрдык өзгөрүүлөрдү жасабайлы, эгерде биз бажы тутумун толугу менен автоматташтырбасак, иш жакшырбайт. Биз бизнес менен өз ара байланышпаган процессти түзүшүбүз керек. Жакын арада бажы декларациясын дистанциялык түрдө толтуруу системасы ишке кириши абзел", - деп баса белгиледи Марипов.
Гидротехникалык курулуштар
Эл аралык республикалык институтунун 2020-жылдагы сурамжылоосуна ылайык, бажы кызматы Кыргызстандагы эң коррупциялашкан орган болуп саналат. Тургундардын жарымынан көбү ушундай ойдо. Элдин айтымында, бажыдагы коррупциянын деңгээли МАИ менен сотторго караганда жогору.
Райымбек Матраимов
Эске салсак, 2020-жылдын 20-октябрында УКМК бажы кызматынын экс-орун басары Райымбек Матраимовду кармаган. Тергөө Матраимовдун бюджетке келтирилген зыянын 2 млрд сом деп тапкан. Буга жооп катары Матраимов кызматташууга жана көрсөтүлгөн сумманы кайтарып берүүгө макул болгон. Бул арыз менен Матраимов мамлекетке зыян келтиргенин жана коррупция менен алектенгенин мойнуна алды.
КР Кылмыш-жаза кодексинин 319 "Коррупция" беренесине ылайык, коррупция үчүн 10 жылдан 15 жылга чейин эркинен ажыратылат, бирок, Матраимов айып пул менен кутулган.
АКШ бийлиги Райымбек Матраимовду жана анын жубайы Уулкан Тургунованы Магнитский тизмесине киргизген. Кийинчерээк жубайлар фамилияларын өзгөрткөнү белгилүү болгон. Эми алар Райым Ысмайылов жана Уулкан Сулайманова болуп калышты.
15-апрелде Матраимовго козголгон кылмыш иши токтотулганы белгилүү болгондон кийин, АКШ элчилиги активдерин токтотууну убада берип, "көңүлү калганын" жарыялаган.
