Жыл башынан бери жол кырсыгынан 497 адам каза болду
2510
2021-жылдын январ айынан бери Кыргызстанда 4 637 жол кырсыгы катталган. Бул тууралуу ЖКККББнин жетекчиси Азамат Исраилов кабарлады.
Анын айтымында, акыркы сегиз айдын ичинде жол кырсыгынан 497 адам каза болду.
Исраилов белгилегендей, жол кырсыктардын 95% адамдык фактордон улам, тагыраак айтканда, жол эрежелерин билбегендиктен жана айдоочунун туура эмес аракетинин айынан болуп жатат. "Эң кейиштүүсү - сегиз айдын ичинде 8 миң айдоочу күбөлүгу жок кармалган", - деди ал.
Белгилей кетсек, бүгүн, 2-сентябрда жол коопсуздугу боюнча тегерек стол өтүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/3332
