Мечиттин жанында киши өлтүрүү. Камчыбек Ташиев бул ишти жеке көзөмөлүнө алды
Мечиттин жанынан кайгуул кызматкери ок чыгарган факты, сотко чейинки үч кошумча процесс катталган - шалаакылык, кызмат абалынан кыянаттык менен пайдалануу жана адам өлтүрүү фактылары боюнча, алар кошумча иликтөө үчүн Мамлекеттик тергөө башкармалыгына өткөрүлүп берилген. Бул тууралуу УКМКдан билдиришти.
Жогорудагы кылмыш иштери УКМКнын төрагасы, генерал -лейтенант Камчыбек Ташиевдин жеке көзөмөлүндө жана алардын иликтөөсүнүн жыйынтыгы боюнча бардык күнөөлүүлөр жоопко тартылат.
Эске салсак, 27-августтун кечинде Кайгуул кызматкери жол эрежесин бузуучуну атып өлтүргөн. Окуя саат 21:00 чамасында борбордук мечиттин жанында болгон. Колдо болгон маалымат боюнча, ок жүрөк тушка тийген. Бишкек ШИИББинин кызматкери бир адамды өлтүргөн окуя тууралуу маалыматты тастыктады. Департаменттин маалыматы боюнча, ок кокусунан чыккан жана өлтүрүлгөн адам каршылык көрсөткөн. Учурда Кайгуул кызматкери кармалды. Кылмыш иши "Ашыкча бийлик" беренеси боюнча козголду.
