Баткен облусу коңшу өлкөлөрдөн энергетикалык көз карандысыз болуп калды
Садыр Жапаров бүгүн, 27-августта Баткен облусунун Лейлек районунда жаңы Раззаков подстанциясын ишке киргизди, ошондой эле жаңы Раззаков-Арка аба электр чубалгысынын курулушунун аяктагандыгына байланыштуу иш-чарага катышты. Азыркы Арка подстанциясын реконструкциялоо, бул аймакка коңшу өлкөлөрдөн толугу менен көз карандысыз болууга мүмкүндүк берет.
Белгиленгендей, "Баткен облусунун Аркинский массивин электр менен камсыздоону жакшыртуу" долбоорунун алкагында узундугу 51 км болгон "Раззаков-Арка" 110 кВ аба электр берүү линиясынын жаңы курулушу, жаңы "Раззаков" подстанциясы жана иштеп жаткан "Арка" көмөкчордонун реконструкциялоо аяктады.
"Баткен облусу толук энергетикалык көз карандысыздыкка ээ болот. Энергетикалык көз карандысыздыкка ээ болуу бул аймактын социалдык-экономикалык абалын жакшыртат жана анын калкынын жашоо деңгээлинин жогорулашына өбөлгө түзөт. Баткен облусуна электр энергиясы коңшу өлкөлөрдүн системалары аркылуу берилери белгилүү эле. Бул, тилекке каршы, жашоодо ыңгайсыздыктарды жаратты. Эми мунун баары артта калды. Аймактын энергетикалык көз карандысыздыгын камсыз кылуу Кыргыз Республикасынын көз карандысыздыгын бекемдөөгө да өбөлгө түздү ", - деп баса белгиледи Садыр Жапаров өнүктүрүү боюнча Ислам өнүктүрүү банкына ыраазычылыгын билдирип жатып.
