Милиция Темирлан Султанбековдун кол салуу боюнча билдирүүсүнө комментарий берди
Чүй облустук ички иштер башкармалыгы Кыргызстан социал-демократтар партиясынын лидери Темирлан Султанбековго кол салуу боюнча түшүндүрмө берди.
Башкармалыктын маалыматы боюнча, милиция кызматкерлеринин ыкчам иштеринин натыйжасында бул факт Аламүдүн районунун аймагында болгону аныкталган.
Темирлан Султанбеков өзү Чүй облусунун ички иштер органдарына кайрылган эмес. Бирок Аламүдүн районунун ички иштер органдарына жөнөп жатканы тууралуу маалымат келип түшкөн.
Султанбековдун машинасына ок атылган факты боюнча толук маалымат бардык зарыл болгон тергөө иш-чаралары жүргүзүлгөндөн кийин кошумча берилет, деп кошумчалашты милициядан.
Эске сала кетсек, Султанбеков социалдык түйүндөгү баракчасына 26-августта саат 01:30 чамасында белгисиз адамдар анын машинасына белгисиз куралдан ок чыгаргандыгы тууралуу маалыматты жарыялаган.
