УКМК Акыйкатчы институтунун инспекторун пара алып жаткан жеринен кармады (фото)
Кечээ, 24-августта Акыйкатчынын Ысык-Көл облусундагы өкүлчүлүгүнүн инспектору А.В.Д. камакка алынды.
УКМК арыз К.З. аттуу жарандан келгенин билдирди. Анын айтымында, буга чейин Акыйкатчынын Ысык-Көл облусундагы кеңсесине жаран Б.Ждан кайрылуу түшкөн, анын арызынын негизинде инспектор А.Б.Ды текшере баштаган. Андан кийин ал К.З.дан чогултулган материалдарды прокуратурага өткөрүүдөн баш тартканы үчүн 20 миң сом өлчөмүндө пара талап кыла баштаган.
24 -августта УКМК кызматкерлери пара алып жаткан жеринен А.В.Дны колго түшүргөн
Кармалган жаран Каракол шаардык ички иштер бөлүмүнүн убактылуу кармоочу жайына киргизилди. Учурда тиешелүү тергөө иш -чаралары жүргүзүлүүдө. Сотко чейинки өндүрүш 326-берененин 1-бөлүгүндө каралган "пара талап кылуу" беренесинин негизинде козголду.
