Токмокто жеңишке жетишкен "Эл Биримдиги" партиясы шайлоодон четтетилди
Токмок АШКсы "Эл Биримдиги" партиясын пара алгандыгы үчүн шайлоодон четтетти. Натыйжада төрт партия Токмок шаардык кеңешине өтөт. Маалыматты БШК тастыктады.
БШКда белгиленгендей, документтер али келе элек.
Эскерте кетсек, кайталап шайлоонун жыйынтыгында беш партия Токмок шаардык кеңешине өткөн:
- "Бирге".
- "Эмгек".
- "Эл Биримдиги".
- "Асыл Мурас-Жаштар".
- "Патриот ынтымагы".
"Эл биримдиги" шайлоодон четтетилгенден кийин шаардык кеңешке төмөнкү партиялар кирет:
- "Бирге".
- "Эмгек".
- "Асыл Мурас-Жаштар".
- "Патриот ынтымагы".
Буга чейин ИИМ "Эл биримдиги" партиясынын пара алуу фактысын каттаган, 17-июлда "Эмгек" жана "Асыл Мурас Жаштар" партияларынын ыйгарым укуктуу өкүлдөрү Чүй облустук ички иштер башкармалыгына кайрылышкан. Арыздарды берүү мөөнөтү 14-июлда аяктады.
"Эмгек" жана "Асыл Мурас Жаштар" Токмок АШКсынан добуштарды кайра санап берүүнү суранышты, АШК алардын өтүнүчүн канааттандырды. Буга жооп катары "Бирге-Вместе", "Эл биримдиги" жана "Патриот Ынтымагы" партиялары Борбордук шайлоо комиссиясына АШКнын чечимине нааразы болушту. Борбордук шайлоо комиссиясы аймактык комиссия туура эмес иштеп жатат деген чечим чыгарып, добуштарды кайра санабоого чечим чыгарды.
