Инандынын үй-бүлөлүк адвокаты Коопсуздук Кеңешине жана Президентке кайрылды
Орхан Инанданын үй-бүлөсүнүн адвокаты Таалайкүл Токтакунова аны Түркиянын чалгындоо кызматы тарабынан уурдалышы фактысы боюнча Коопсуздук Кеңешине кайрылды. Kaktus.media редакциясына бул маалыматты жактоочу өзү тастыктады.
Анын айтымында, Түркиянын Кыргызстандагы Атайын жана Ыйгарым укуктуу Элчиси Ахмет Садык Доган ЖМКга берген маегинде анык Түркиянын расмий көз карашын билдирди.
"Ал Инанданы уурдоону этибар албоо жаңылыштык, анткени ал качкын макамында эле деп билдирди. Бирок соттун чечимин көрсөткүлөчү? Ошондой эле Түркиянын чалгындоо кызматы Кыргыз Республикасынын аймагында суверенитеттүүлүктү бузуп Орхан Инанды камакка алуу операциясын кандайча жүргүздү?" - деп жактоочу күмөн саноосун билдирди.
Чет мамлекет тиешелүү мамлекеттик органдын уруксатысыз Кыргыз Республикасынын аймагында атайын операция жүргүзө албайт.
"Мен собол узатат элем: кайсы территориядагы ыйгарым укуктуу органдын укуктук жөнгө салуусунун же уруксатынын негизинде Түркия атайын операция өткөрүп, жараныбызды алып кетет? Эгерде биздин мамлекеттик органдар уруксат берген болсо, анда эмне үчүн 35 күн мамлекеттик ресурстарды текке кетирип аны издешти" - деди адвокат.
Токтакунова Кыргыз Республикасынын Конституциясынын кепили катары Президентке кайрылып, тиешелүү мамлекеттик органдарга Кыргызстандын аймагында чет элдик чалгындоо кызматы тарабынан операция жүргүзүүгө макул болгон кызмат адамдарынын өздүгүн аныктоону тапшыруу өтүнүчү менен кайрылды.
Эскерте кетсек, "Сапат" түрк лицейлер тармагынын президенти Орхан Инанды 1-июнга караган түнү дайынсыз жоголгон. 5-июлда президент Эрдоган Түркиянын атайын кызматы тарабынан колго түшкөнүн жарыялаган. Көптөгөн коомдук ишмерлер жана саясатчылар Түркия менен Кыргызстандын аракеттерин айыпташты. Президент Садыр Жапаров Кыргызстан Инанданын кайтарылышын талап кылаарын айткан.
