Садыр Жапаров Назарбаевдин билдирүүсүнө карабастан туулган күнү менен куттуктады
Бүгүн, 6-июлда, Кыргызстандын Президенти Садыр Жапаров Казакстандын биринчи Президенти Нурсултан Назарбаев менен телефон аркылуу сүйлөштү. Бул тууралуу президенттик аппараттан билдиришти.
"Сүйлөшүү учурунда Жапаров Назарбаевди туулган күнү жана Казакстандын борборунун күнү менен чын жүрөктөн куттуктап, Кыргызстан менен Казакстандын ортосунда стратегиялык өнөктөштүктү, союздаштыкты жана коңшулукту орнотууга жана чыңдоого кошкон жеке салымын баса белгиледи. Жапаров Назарбаевге чың ден-соолук жана узак өмүр, ал эми боордош Казакстан элине - тынчтык жана гүлдөп өнүгүүнү каалады ", - деп билдирди администрация.
Белгилей кетсек, быйыл Казакстандын биринчи президенти 81 жашка чыгат. Бир-эки күн мурун ал маек куруп, анда Кыргызстан жана демократия жөнүндө сөз кылган.
Айрым кыргызстандыктар бул билдирүүнү кемсинтүү жана сыйлабоо катары кабыл алышты.
