Саламаттыкты сактоо министри Алымкадыр Бейшеналиев айыгып, жумушуна чыкты
Кыргызстандын Саламаттыкты сактоо жана социалдык өнүктүрүү министри Алымкадыр Бейшеналиевдин ден соолугунун абалы канааттандыраалык. ПЦР-тести каршы жыйынтык көрсөттү. Бул тууралуу Kaktus.media редакциясына министрликтин басма сөз кызматы маалымдады.
"Министр жумушуна чыкты, ал ковиддик жаңы стационарларды ачуу маселелери менен алектенип жатат. Эртең менен Суворов училищесинин жетекчилиги менен жолугуп, алардын имаратында бейтаптарды кабыл алуу жана стационар ачуу маселесин талкуулады", - деп ведомостводон билдиришти.
Басма сөз кызматы берген маалыматка ылайык, Улуттук госпиталда 120 орун, Суворов окуу жайында 200 орун, андан тышкары курортология институтунда 200 орун кошумча ачылат.
Эске салсак, 25-июнда саламаттыкты сактоо жана социалдык өнүктүрүү министри Алымкадыр Бейшеналиев коронавирус инфекциясын жугузгандыгы белгилүү болгон.
Бейшеналиев ооруну жеңил көтөрүп, татаалдашып кетүү болгон жок. Чиновниктин пикири боюнча, бул коронавируска каршы эки этаптуу вакцинация алганына байланыштуу.
