Улуу Британиядагы сезондук жумуштарга кошумча каттоо ачылат
182
Улуу Британиядагы сезондук жумуштарга катышууга кошумча онлайн каттоо ачылат. Эмгек, социалдык камсыздоо жана миграция министрлигинен билдиришкендей, мурдагы талапкерлер программага катыша алышпайт.
Маалым болгондой, кошумча онлайн каттоо 15-октябрда биринчи каттоо учурунда ыйгарым укуктуу оператор Pro-Force тарабынан өткөрүлгөн тандоодон бардык талапкерлер өтпөгөндүктөн ачылып жатат.
- Кошумча каттоо 500 орунду толтуруу үчүн ачылып, талап кылынган катышуучулардын санына жеткенде автоматтык түрдө жабылат.
- Каттоо бул программага биринчи жолу катышып жаткан жарандар үчүн гана жүргүзүлөт. Буга чейин программага катышкан жарандар оператор тарабынан талапкерлер тизмесинен автоматтык түрдө чыгарылат.
- Тандоонун биринчи этабынан өткөн талапкерлерге оффлайн маекке чакыруу электрондук почта аркылуу жөнөтүлөт.
2024-жылдын 15-октябрында ийгиликтүү катталган талапкерлер өздөрүн www.migrant.kg сайтынан таба алышат.
"15-октябрда ийгиликтүү катталып, электрондук почта аркылуу жөнөтүлгөн анкетаны толтурууга үлгүрбөгөндөр 22-октябрга чейин толтурууну өтүнөбүз", - дешет министрликтен.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/17754
