"Кыргызалтын" Центерранын 29 миллион доллар жөнүндө билдирүүсүн "Негизсиз" деп атады
12-майда кыргыз компаниясы үчүнчү жакка жиберилген жасалма төлөм тапшырмасын колдонуп, 29 миллион долларды уруксатсыз банк эсебине которууга аракет кылган деген Сenterra Gold Inc. компаниясынын билдирүүсүнө "Кыргызалтын" ААК жооп кайтарды.
"Сenterra Gold Inc 2021-жылдын 12-майындагы "алтын операциясы" тууралуу төлөм документтерин жана бүтүмдөрдү жасалмалагандыгы боюнча айыптоосу таң калыштуу." Кыргызалтын "ААК ошол күнү жана кийинки күндөрү эч кандай каржылык операцияларды жүргүзгөн эмес, анан калса төлөм документтерин бурмалоо сыяктуу ыплас иштер менен эч убакта алектенбейт", - деп белгилешти компаниядан.
"Кыргызалтын" ААКы ар дайым мыйзамды сыйлаган жана ишкердик чөйрөдө кадыр-барктуу акционердик коом болуп саналат.
Компания белгилегендей, 17-майда Кыргыз Республикасынын Жогорку Кеңеши "Кумтөр Голд Компани" ЖАКка убактылуу тышкы башкарууну киргизүү жөнүндө токтом кабыл алган жана өкмөт КГКнын убактылуу тышкы башкаруучусун дайындаган, буга байланыштуу "Кыргызалтын" ААК 12-майда КГК алтыны менен эч кандай каржылык операцияларды жүргүзгөн эмес.
Биз Centerra Gold Inc. компаниясына келген кыйын күнгө кайдыгер карабайбыз жана Кумтөрдөгү кырдаалдын айланасында жана келечекте сизден "Кыргызалтын" ААКты негизсиз айыптоодон алыс болууңузду өтүнөбүз.
Эске салсак, Centerra Gold Inc. мурдагы директорлор кеңешинин мүчөсү, азыркы учурда "Кумтөр Голд Компани" ЖАКтын тышкы менеджери Тенгиз Бөлтүрүккө карата Онтарионун Жогорку Сотуна доо арызы менен кайрылган. Канадалык компаниянын билдирүүсүнө ылайык, жакында Кыргызстандын өкмөтү Centerra Gold Inc.'тин алдындагы милдеттенмелерди одоно бузуп, "Кумтөр" кенин басып алгандыгына байланыштуу жасалган.
