Баткенде шарап сактоочу жайда ууланган 3 жумушчу кайтыш болду
1820
Баткен районунун Чоң-Талаа айылында үч адам ууланып каза болду. Бул тууралуу редакцияга Баткен облустук ички иштер башкармалыгынан билдиришти.
Маалым болгондой, жумушчулар 31-августта шарап сактоочу жайда салмагы 10 тонналык идиштерди жууп жатышкан. Уулануунун кесепетинен Чоң-Талаа айылынын 51 жаштагы жана 28 жаштагы тургундары жеринде каза болгон. Дагы бир жумушчу ооруканага жетпей кайтыш болгон.
Каза болгондордун жакындары соттук-медициналык кароодон баш тартып, жансыз денени ооуканадан алып кетишкен.
Бул факты Баткен РИИБдин маалыматтардын электрондук журналына катталып, учурда текшерүү иштери жүрүп жатат.
Башкы беттеги сүрөт иллюстрациялык: stock.adobe.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/17150
