Депутат Айгүл Айдарова "Бүтүн Кыргызстан" фракциясынан чыгарылды
Жогорку Кеңештин депутаты Айгүл Айдарова "Бүтүн Кыргызстан" парламенттик фракциясынан чыгарылды. Бул тууралуу анын лидери, эл депутаты Исхак Масалиев 24.kg басылмасына билдирди.
Анын айтымында, депутат эмгек тартибин системалуу түрдө бузганы үчүн фракциядан чыгарылган. Ал фракциянын жашоосуна, анын жыйындарына катышпайт жана анын келбей калышынын себептерин жетекчиликке билдирбейт.
"Эгер ага эркиндик керек болсо, биз депутатты бошоттук. Биз эми аны менен "Бүтүн Кыргызстан" фракциясын ассоциация кылбоолорун суранабыз. Анткени бизге добуш берген шайлоочулар ал депутатынын жүрүм-турумуна абдан нааразы. Андан тышкары биз массалык маалымат каражаттарына айта албай турган ички көйгөйлөр бар", - деди Исхак Масалиев.
Ал Айдарованын дагы деле депутаттык ыйгарым укуктары калаарын түшүндүрдү.
