Ипотекалык үй. Максим Бакиев менен байланыштуу жерге бир жылда эмне курулду?
Бишкектеги Скрябин көчөсү, 45-45а дарегиндеги жер тилкесинде Мамлекеттик ипотекалык компаниянын үйлөрү курулуп жатат. Бул участок Тайырбек Сарпашев аркылуу белгилүү болгон.
Сарпашев МИКны 2015-жылдын ноябрында жетектеген. 2017-жылдын февраль айында Башкы прокуратура ага качкын президент Курманбек Бакиевдин уулу Максимге байланышкан Скрябин-45 - 45А көчөсүндөгү участокту камактан чыгаруу фактысы боюнча кылмыш ишин козгогон. Андан кийин ведомстволор аралык комиссия түзүлгөн. Сарпашев аталган комиссия иштеп турган мезгилде кызматтан алуу тууралуу арыз жазган. Бирок 2017-жылдын июнь айында МИКтин башчысы кызматтан кеткен.
"Бишкекбашкыархитектуранын" маалыматы боюнча, бул 1,28 гектар жер тилкеси учурда Президенттин Иш башкармалыгына таандык. Бул аймак 13-15 кабаттуу турак үйлөрдү жана балдар бакчасын куруу үчүн каралган.
Аталган жер тилкедеги курулуш 2023-жылдын жазында башталган. МИКтин маалыматы боюнча, бул жерге 549 батир курулат.
Бүгүнкү күндө бир катар объектилер 15-кабатка чейин тургузулган.
