12 жылдык окууга өтүүдө эмне өзгөрөт? Жооп
12 жылдык билим берүүгө өтүүдө 1-класстын окуучуларынын окуу планы жана жүктөмү өзгөрбөйт. Бул тууралуу бүгүн, 26-мартта маалымат жыйынында Кыргыз билим берүү академиясынын президенти Назира Дүйшеева билдирди.
Анын айтымында, учурда санитардык-эпидемиологиялык нормаларга ылайык, 6-7 жаштагы балдар үчүн жумалык максималдуу окуу 17 саатты түзөт. Биринчи класстын окуучулары үчүн жумасына 21 саат берилет. Буга ылайык, окуу сааты жана план көбөйтүлбөйт.
12 жылдык билим берүүнүн биринчи класстары үчүн программа "Наристе" мектепке чейинки даярдоо программасынын негизинде түзүлөт.
"Наристе" программасында 12 класс бар болчу, мисалы, окуу, математика, моделдөө, чийүү, дене тарбия жана башка. Мектепке чейинки даярдоо классы 1-класска өткөндө мектепке чейинки даярдоо предметтери башталгыч класска ылайыкталып которулат. Бир гана нерсе ал - сабактар болот", - деди Дүйшеева.
Эске сала кетсек, министрлер кабинети 12 жылдык билим берүүгө өтүү тууралуу алгач 2022-жылы айта баштаган. Үстүбүздөгү жылдын 15-мартында министрлер кабинети токтом кабыл алган, ага ылайык мектептик жалпы билим берүү системасын 12 жылдык билим берүү моделине этап-этабы менен өткөрүү башталат. Бул кандай ишке ашарын министр Догдуркүл Кендирбаева айтып берген.
