Бишкекте мектептердин биринде 7-класстын окуучусунан кургак учук аныкталды
2140
Бишкектеги №67 мектепте окуган окуучулардын биринен кургак учук аныкталды. Маалыматты Kaktus редакциясына мэриянын билим берүү башкармалыгынан тастыкташты.
Окуучудан кургак учук аныкталгандыгы боюнча 7-мартта мектепке санитардык буйрук түшкөн. Мектеп администрациясы жергиликтүү медициналык кызматкердин катышусуунда ата-энелер чогулушун өткөргөн.
"Учурда №67 мектептин администрациясынын ички буйругу менен 7-класстын окуучулары онлайн режиминде окуп, дарт аныкталган бала дарыланып жатат. Борбордук мамлекеттик медициналык экспертиза борборунун көрсөтмөсү менен класстын окуучулары жана жалпы мугалимдер жамааты текшерүүдөн өтүп жатат", - деп билдиришти башкармалыктан.
Башкы беттеги сүрөт иллюстрациялык: RT: UGC.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/15715
