Тилекмат Куренов анын өмүрүнө кол салуу болгонун билдирди
Учурда АКШда жүргөн активист Тилекмат Куренов белгисиз бирөөлөр тарабынан өз өмүрүнө кол салуу болгонун билдирди. Ал социалдык тармактардагы баракчасына окуя болгон жерден сүрөттөрдү жана видеолорду жарыялаган.
Ал милицияга жумушка баратканында, жол боюнда токтоп турган унаада эки киши күтүп турганын айткан. Андан кийин алар курал менен коркутуп, мени унаадан түшүрүүгө мажбурлашты деп айтты.
Тилекмат Куренов социалдык түйүндөрдө да жарым сааттык эфир жүргүзүп, анда киши өлтүрүү аракетинин айрым чоо-жайын билдирген. Анын айтымында, кол салган экөө – азиат түспөлүндөгү адамдар аны менен орусча сүйлөшкөн. Караңгы болгондуктан, ал бирөөсүн гана толук көрө алган. Кол салгандар унааны аткылаганы айтылууда. Алар полиция келгенге чейин качып кетишкен.
Куренов кол салгандар аны ушундай жол менен уурдоого аракет кылышкан деп эсептейт.
Акыркы бир нече жылда Тилекмат Куренов кыргыз бийлигинин аракеттерин сындап келген. 2021-жылы Конституцияны өзгөртүүгө жана Жетим-Тоо кенин иштетүүгө каршы чыккан. Ошол эле жылдын март айында активист кармалып, камакка алынган - сот аны бийликти күч менен басып алууга ачык чакырыктар үчүн күнөөлүү деп таап, 1,5 жылга эркинен ажыраткан.
Активист эркиндикке чыккандан кийин "саясий куугунтуктан улам жана кайра түрмөгө отуруу коркунучунан улам" Кыргызстандан чыгып кеткен.
Куренов 26-январда видеокайрылуу жасап, мындан ары бийликти сындабай турганын билдирген. Бирок 11-февралда социалдык тармактардагы эфирде ал укук коргоо органдары анын жубайынын кичүү сиңдисин кармагандан кийин бийликти сындабай калганын айткан. Ал кошумчалагандай, бийлик анын туугандары менен болгон мамилесин бузуу үчүн баарын жасаган.
