Өлкөнүн жаңы муфтийи Абдулазиз Закиров болду. Өмүр баяны

Кыргызстандын муфтийи кызмат ордуна Абдулазиз Закиров бекитилди. Бул туурасында Муфтияттан маалымдашты.

Абдулазиз Закиров

Белгилүү болгондой, бүгүн, 10-февралда Кыргызстан мусулмандарынын 8-чи кезексиз курултайы өтүп, анда өлкөнүн муфтийи шайланды.

Закиров Абдулазиз Назирбековичтин өмүр таржымалы

• Абдулазиз кары Закиров 1979-жылдын 29-апрелинде Жалал-Абад облусунун Базар-Коргон районуна караштуу Жети-Кошкон айылында туулган. Ал аталган айылдагы С. Нурдавлетов атындагы №24 орто мектебинде билим алган.

Билими: жогорку

• 1993-1998-жылдары- Түркия мамлекетинин Стамбул шаарындагы хафыздык Куран курсунда окуган;
• 2009-2015-жылдары - Бишкек шаарындагы "Расул Акрам" ислам институтунда илим алган;
• 2015-2018-жылдары - Укук-Бизнес жана билим берүү академиясынын юриспруденция адистиги боюнча бүтүрүүчү.

Эмгек жолу жана ишмердүүлүгү

• 2002-2005-жылдары - Аламүдүн районундагы Көк-Жар айылындагы "Абу Бакр ас-Сыддык" медресесинин мүдүрү, "Абу Бакр" мечитинин имам-хатибинин орун басары;
• 2005-2008-жылдары - Аламүдүн районунун баш имам-хатиби;
• 2008-2011-жылдары - Чүй облусунун мусулмандарынын казысынын 1-орун басары;
• 2011-2013-жылдары - Жалал-Абад облусунун Базар-Коргон районунун баш имам-хатиби;
• 2012-жылы - Кыргызстан мусулмандарынын Уламалар Кеңешинин мүчөсү (азыркы Аалымдар Кеңеши);
• 2013-2021-жылдары - Жалал-Абад облусунун мусулмандарынын казысы;
• 2021-жылдан бери Жалал-Абад облусунун Базар-Коргон районунун баш имам-хатиби болуп эмгектенип келген.

Сыйлыктары

• 2005-жылы - "Абдулла ибн Аббас" медресесинде өткөн Куран конкурсунун жеңүүчүсү;
• 2015-жылы - КМДБнын Азирети Муфтийинин Алкыш баракчасы;
• 2017-жылы - "Аймак" облустук коомдук-саясий гезитинин редакциясы тарабынан жылдын мыктысы наминациясы ыйгарылган;
• 2021-жылы Кыргызстан мусулмандарынын Азирети Муфтийинен "Ардактуу Казы" алкыш баракчасы ыйгарылган. Мындан сырткары бир нече Ыраазычылык каттардын жана Алкыш баракчалардын ээси.

Араб жана түрк тилдеринде эркин сүйлөйт.

Үй-бүлөлүү, үч уул, бир кыздын атасы.