Тишин дарылоо учурунда чарчап калган кыздын окуясы боюнча кылмыш иши козголду
Бишкекте стоматологиялык клиникада 3 жашар кыз тиш дарылоо учурунда чарчап калган. Жабырлануучу тарап бийлик өкүлдөрүнө кайрылып, тиш доктурлардын ишин текшерип, аларга чара көрүү өтүнүчүн келтиришти.
3 жашар кыздын өлүмү боюнча кылмыш иши козголгону маалым болду. Октябрь РИИБден Kaktus.kg сайтына билдиришкендей, 18-декабрда кыздын чоң энеси милицияга арыз менен кайрылган.
Ал дарыгерлер кесиптик милдеттерин талаптагыдай аткарбагандыктан небереси каза болгонун билдирген.
Аталган факты боюнча Кылмыш-жаза кодексинин 146-беренесинин (медициналык же фармацевтика кызматкеринин кесиптик милдеттерин талаптагыдай эмес аткаруусу) негизинде кылмыш иши козголду. Экспертизанын жыйынтыгы менен юридикалык баа берилет.
Белгилесек, окуя боюнча саламаттыкты сактоо министри Алымкадыр Бейшеналиев башында турган атайын комиссия түзүлп, стоматологиялык клиниканын жана КММАнын медициналык борборунун стоматологиялык кабинетинин иши убактылуу токтотулду.
Башкы беттеги сүрөт иллюстрациялык.
