Рыспек Акматбаевдин аталаш бир тууганынын өлтүрүлүшү. 15 жылдан кийин шектүүлөр кармалды
Ички иштер министрлигинин Кылмыш иликтөө башкы башкармалыгынын кызматкерлери Рыспек Акматбаевдин аталаш бир тууганы Кубанычбек Коноевдин өлүмүнө шектүүлөрдү кармашты. Бул тууралуу Ички иштер министрлигинин басма сөз кызматы билдирди.
Белгилүү болгондой, 2008-жылдын 4-апрелинде эртең менен Чолпон-Ата шаарында кара түстөгү унааны айдап бара жаткан белгисиз адамдар Toyota Land Cruiser Prado үлгүсүндөгү унааны автомат менен атып кетишкен. Кылмыш прокуратуранын имаратынан алыс эмес жерде жасалган. Аткыланган унаанын айдоочусу 1955-жылы туулган Кубанычбек Коноев болгон. Коноев башына жана көкүрөгүнө көптөгөн ок тийип, ошол жерден каза болгон, унаасы мамыны сүзгөн.
Андан соң кылмышкерлер кылмыш болгон жерден качып кетишкен. Текшерүү учурунда унаанын сол жүргүнчү эшигинен көптөгөн октун тешиги табылган. Ушул эле күнү Ысык-Көл районунун Сары-Ой айылында кароосуз калган Ауди 100 үлгүсүндөгү унаа табылып, аны текшерүүдө автоматтын гильзалары, ошондой эле мамлекеттик номурлары өчүрүлгөн Калашников автоматы табылган.
Бул фактынын негизинде Кыргыз Республикасынын Кылмыш-жаза кодексинин "Киши өлтүрүү" (эски кодекс) боюнча иш козголгон.
"Акыркы убакта айрым массалык маалымат каражаттарында кримавторитеттин өлүмүнө шектүүлөр кармалганы тууралуу маалыматтар тарап жатат. Бирок бул такыр туура эмес маалымат. Кубанычбек Коноев уюшкан кылмыштуу топтун активдүү мүчөлөрү Нурлан менен Мирлан Коноевдердин атасы. Экөө тең 2006-жылдын августунда жана 2007-жылдын апрелинде ушундай эле жол менен өлтүрүлгөн "Киши өлтүргүч Мирлан Коноев 2007-жылдын 19-апрелинде Жогорку Соттун имаратынын жанындагы атышуудан кийин милиция кызматкерлери тарабынан кармалган", - деп түшүндүрдү Ички иштер министрлиги.
Бир күн мурун Ички иштер министрлиги тарабынан жүргүзүлгөн ыкчам-иликтөө иш-чараларынын жүрүшүндө 15 жыл мурун болгон адам өлтүрүү фактысынын бетин ачкан.
Буга ылайык, аталган кылмышка шектелип, төмөндөгүлөр кармалган:
- 1983-жылы туулган, мурда соттолгон, уюшкан кылмыштуу топтун активдүү мүчөсү катары ИИМдин каттоосунда турган К.А.
- Кримтөбөлдүн тууганы, 1969-жылы туулган К.Н.
Кармалгандардын бөгөт чарасы каралды. Учурда тергөө амалдары жүргүзүлүүдө.
